Bakı 
Ermənistanın sabiq polis rəisi, general-polkovnik Vladimir Qasparyan 22 yaşlı oğlunun ordu sıralarına çağırılması cəhdləri ilə əlaqədar Müdafiə Nazirliyinə qarşı məhkəmə iddiası qaldırıb.
Bakıvaxtı.az xəbər verir ki, bu barədə Ermənistan mətbuatında məlumat verilib.
Bildirilir ki, vaxtilə hərbi polis rəisi və müdafiə nazirinin müavini vəzifələrini də icra etmiş Qasparyan inzibati məhkəməyə müraciət edərək Müdafiə Nazirliyinin 8 yanvar 2026-cı il tarixli qərarının ləğvini tələb edib. Məhkəmə iddianı icraata götürüb. Həmçinin, Qasparyanın oğlunun hərbi xidmətdən yayınması ilə bağlı hələ bu ilin mart ayında cinayət işinin açıldığı da məlum olub.
Qeyd edək ki, Qasparyan 2011-2018-ci illərdə Ermənistan Polisinə (hazırkı Daxili İşlər Nazirliyinə analoji olan qurum əvvəllər belə adlanırdı - red.) rəhbərlik edib. Hakimiyyət dəyişikliyindən sonra isə onun özünə qarşı da bir neçə cinayət işi başlanmışdı.
