Bakı 
“Uzunmüddətli dövlət dəstəyi son nəticədə iqtisadiyyat üçün əlavə dəyər yaratmalı, ixracat və investisiyaların həcmini genişləndirməli, ölkəyə valyuta daxilolmalarını artırmalı və yerli şirkətlərin xarici bazarlara çıxışını stimullaşdırmalıdır”.
Bakıvaxtı.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Azər Əmiraslanov parlamentin 30 sentyabr tarixli iclasında çıxışı zamanı deyib.
Onun sözlərinə görə, söhbət dövlət dəstəyinin məhdudlaşdırılmasından deyil, onun daha nəticəyönümlü həyata keçirilməsindən gedir.
Azər Əmiraslanov bildirib ki, rəqəmsal və innovativ iqtisadiyyat sürətlə dəyişən sahə olduğundan bu istiqamətdə hüquqi tənzimləmə mexanizmlərinin davamlı təkmilləşdirilməsi zəruridir.
Zeynəb Rzayeva
