Bakı 
29.09.2026-cı il tarixində saat 23:00 radələrində zəhərlənmə şübhəsilə 10 nəfər (5 kişi, 5 qadın) Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Bu barədə Bakıvaxtı.az-ın sorğusuna cavab olaraq TƏBİB-dən məlumat verilib.
Qeyd olunub ki, zəruri tibbi xidmətlər göstərilən pasiyentlər ambulator müalicə üçün evə buraxılıblar.
Xatırladaq ki, Biləsuvar rayonunda qida zəhərlənməsi olub. Hadisə rayonda keçirilən əsgər yolasalma mərasimində qeydə alınıb. Belə ki, mərasimdə iştirak edən Cəlilabad sakinləri qida zəhərlənməsinə məruz qalıblar. Məlumata görə, mərasimdən sonra evlərinə qayıdan ailə üzvlərinin səhhətində narahatlıq yaranıb. Zəhərlənmə əlamətləri ilə 10 nəfər Cəlilabad Rayon Mərkəzi Xəstəxanasına çatdırılıb. Hadisəyə mərasim zamanı yeyilən paytaxt salatının səbəb olduğu ehtimal edilir. Faktla bağlı araşdırma aparılır.
Günəş Mərd
