Bakı 
Səudiyyə Ərəbistanının xarici işlər naziri Feysəl bin Fərhan Yəməndəki vəziyyəti müzakirə etmək üçün ABŞ-yə səfər edib.
Bakıvaxtı.az xarici mediaya istinadla xəbər verir ki, radikal “Ənsarullah” (husiçilər) hərəkatı 3 sentyabrda hökumət qüvvələrinə qarşı hücuma keçdikdən və Yəmənin qərb sahili tamamilə ələ keçirəndən bəri, Yəmənin mərkəzi hökumətini dəstəkləyən Ər-Riyad dəfələrlə Tramp administrasiyasından hərbi yardım istəyib. Lakin Ağ Ev hələ də Yəmən müharibəsinə yenidən birbaşa müdaxilə etməyə hazır olub-olmadığına qərar verməyib.
Səudiyyə Ərəbistanının hakim ailəsi “Ənsarullah”ın milli infrastruktura sərhədyanı hücumlarına qarşı yeni hərbi və texniki yardım xətlərinin açılması ilə yanaşı, həm də Amerikanın münaqişəyə birbaşa müdaxiləsində, o cümlədən husiçilərin mövqelərinə qarşı hava və dəniz zərbələrində maraqlıdır. Lakin mənbələrin Axios-a verdiyi məlumata görə, Tramp bu müharibədə iştirak etməkdən çəkinmək qərarına gəlib.
Yəmənin beynəlxalq səviyyədə tanınmış hökuməti olan Prezident İdarəetmə Şurası (PGC) da bu ay ABŞ-nin birbaşa müdaxiləsini tələb edib. PİŞ-in sədr müavini Abdullah Bavazir Nyu-Yorkda BMT Baş Assambleyasının kənarında jurnalistlərə bildirib ki, təhlükəsizlik sahəsində ABŞ-ni hərbi dəstəyə mütləq ehtiyacları var. “Hava əməliyyatları vacibdir, lakin Yəmən hökumətinə və quru qüvvələrinə dəstək, şübhəsiz ki, bu qrupların aratdığı təhlükənin aradan qaldırılmasına zəmanət verəcək", - A.Bavazir deyib.
