Bakı 
Müəllimlərin 90 faizdən çoxu sertifikatlaşdırmadan keçib.
Bakıvaxtı.az xəbər verir ki, bunu Elm və təhsil naziri Emin Əmrullayev təhsil işçilərinin sentyabr konfransında deyib.
Nazir bildirib ki, müəllim heyətinin hələlik üçdə biri müsabiqə (MİQ) yolu ilə sistemə cəlb olunsa da, artıq hər bir pedaqoq haqqında ümumi məlumat bazası formalaşdırılıb və böyük əksəriyyəti sertifikatlaşdırmadan keçib.
Təhsildə davamlılığın vacibliyini vurğulayan Emin Əmrullayev pilot layihələrlə ümumi sistemi yaxşılaşdırmağın mümkün olmadığını qeyd edib:
“Pilot layihələrlə təhsil sistemini yaxşılaşdıra bilmərik. Təhsildə davamlılıq lazımdır. 30 fərqli qısa müddətli iş görməkdənsə, 5 iş görək, amma davamlı olsun. Düşünürəm ki, 10 il ərzində müəllim keyfiyyətini artıra bilmişik”.
Murad İsmayıl
