Bakı 
Naftalan şəhər 1 nömrəli tam orta ümumtəhsil məktəbində şagirdlərin milli-mənəvi dəyərlərə, vətənpərvərlik və dövlətçilik ənənələrinə bağlılığının gücləndirilməsi istiqamətində tədbir keçirilib.
Bakıvaxtı.az xəbər verir ki, məktəbdə şagirdlər vahid məktəbli geyimində müəllim kollektivi ilə birlikdə Azərbaycan Respublikasının Dövlət Himnini səsləndiriblər.
Tədbir dövlət rəmzlərinə ehtiramın, milli dəyərlərə bağlılığın və vətənpərvərlik ruhunun təbliği baxımından əhəmiyyət daşıyır.
Qeyd edək ki, təhsil müəssisələrində şagirdlərin milli-mənəvi dəyərlər ruhunda tərbiyə olunması, dövlət rəmzlərinə hörmətin aşılanması və vahid məktəbli geyimi vasitəsilə məktəb mühitində nizam-intizamın təşviqi təlim-tərbiyə prosesinin mühüm istiqamətlərindəndir.
