Ukrayna bu ölkə ilə diplomatik münasibətləri bərpa edir

Ukrayna Suriyanın Kiyevdəki səfirliyini yenidən açacaq. 

Bakıvaxtı.az xəbər verir ki, bu barədə ölkənin xarici işlər naziri Andrey Sibiqa sosial media platforması "X"də məlumat verib.

Ukraynalı nazir yazıb: "Suriya xarici işlər naziri Əsəd Həsən əl-Şeybani ilə danışıqlar zamanı bir sıra vacib sahələri və təşəbbüsləri, əsasən təhlükəsizliklə bağlı məsələləri müzakirə etdik. Suriya da Kiyevdə diplomatik nümayəndəliyini açacaq. Diplomatik münasibətlərin bərpası ilə bağlı Birgə Kommünikenin imzalanmasından bəri ikitərəfli ticarət dövriyyəsi də doqquz dəfə artıb və tərəflər daha da genişlənmə üçün aydın imkanlar görürlər", - deyə Sibiqa qeyd edib.