Bakı 
Tehranın Təcriş meydanında simvolik aksiya təşkil edilib.
Bakıvaxtı.az xəbər verir ki, aksiya çərçivəsində ABŞ Prezidenti Donald Trampın obrazında olan aktyor səhnələşdirilmiş həbsxananın dəmir barmaqlıqları arxasında yerləşdirilib.
Məlumata görə, konstruksiya həbsxana kamerasını xatırladan reklam lövhəsi şəklində hazırlanıb. Dəmir barmaqlıqlar arxasında Trampı canlandıran aktyor ona xas jest və hərəkətləri təkrarlayıb.
Konstruksiya üzərində həmçinin Minabda qızlar məktəbinə və Sirikdə toy mərasiminə təşkil edilən hücumları xatırladan yazılar yerləşdirilib.
İnstallasiya kütləvi marağa səbəb olub. Simvolik həbsxananın fonunda şəkil çəkdirmək istəyən vətəndaşlar meydanın ətrafında avtomobil sıxlığına səbəb olublar.
