İllər sonra qalmaqalları yox, konserti ilə gündəmə gəldi 

Adını “Ye Ye” olaraq dəyişdirən amerikalı reper Kanye Uestin Los-Ancelesdəki konserti gündəm olub.

Bakıvaxtı.az xəbər verir ki, 5 ildən sonra konsert verən ifaçı tamaşaçıları səhnə dizaynı ilə təəccübləndirməyi bacarıb. 

Səhnənin mərkəzindəki nəhəng günbəz Kanyenin sanki yer kürəsinin üzərində hərəkət edirmiş kimi görüntü yaradıb. O, iyirmi illik karyerasının ən hit mahnılarını 70 min izləyicinin qarşısında səsləndirib.

Reper konsertində 12 yaşlı qızı Nortu da səhnəyə çıxarıb. Nort arxasında atasının adı yazılmış köynəyi və mavi saçları ilə diqqət çəkib. O, "Talking" və "Piercing on my mand" mahnılarını ifa edib.

Qeyd edək ki, reper son bir neçə ildir yalnız qalmaqallarla gündəmə gəlirdi.