Bakı 
İqtisadiyyat naziri Mikayıl Cabbarov Türkiyənin “Fiba Holdinq”inin nümayəndələri ilə görüşüb.
Bakıvaxtı.az xəbər verir ki, İqtisadiyyat Nazirliyində keçirilən görüşdə “Fiba Holdinq” ilə potensial əməkdaşlıq məsələləri müzakirə olunub.
Görüşdə Azərbaycanın əlverişli biznes və investisiya mühiti haqqında məlumat verilib. Bildirilib ki, ölkəmizdə aparılan islahatlar işgüzar mühitin daha da yaxşılaşdırılmasına və xarici investisiyaların təşviqinə geniş imkanlar açır.
Tərəflər biznes tərəfdaşlığının genişləndirilməsi və potensial əməkdaşlıq istiqamətlərini müzakirə ediblər. Bərpaolunan enerji və infrastruktur layihələrində iştirak, enerji təchizatı, turizm və tikinti sahələrində birgə fəaliyyət imkanları dəyərləndirilib.
Qeyd edək ki, Türkiyənin “Fiba Holdinq”i enerji, bank və maliyyə, daşınmaz əmlak, turizm və digər sahələr üzrə ixtisaslaşıb.
***
17:18
Azərbaycan və Türkiyə arasında biznes tərəfdaşlığının təşviqi və potensial əməkdaşlıq istiqamətləri müzakirə olunub.
Bakıvaxtı.az xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.
"Türkiyənin "Fiba Holdinq"inin nümayəndələri ilə görüşümüzdə biznes tərəfdaşlığının təşviqini və potensial əməkdaşlıq istiqamətlərini müzakirə etdik. Bərpaolunanenerji və infrastruktur layihələrində, həmçinin enerji təchizatı, turizm və tikinti sahələrində birgə fəaliyyət imkanlarını dəyərləndirdik", - nazir vurğulayıb.
