KURİOZ: təyyarə yük maşınına çırpıldı

Amerikanın  “United Airlines” aviaşirkətinə məxsus “Boeing 767-400” təyyarəsi  Nyu-York şəhəri  yaxınlığındakı Nyuark hava limanına yaxın ərazidə magistral yolda hərəkət edən yük maşınına və işıq dirəyinə çırpılıb.

Bakıvaxtı.az “LeFigaro.fr”ə istinadən xəbər verir ki, bu barədə ABŞ Federal Aviasiya Administrasiyasının (FAA) sözçüsü bildirib. O qeyd edib ki, Venesiyadan Nyuarka uçan təyyarədə 221 sərnişin və 10 heyət üzvü olub. Təyyarə təhlükəsiz yerə eniş edib və göyərtədəki heç kim xəsarət almayıb.

Liman rəhbərliyi təyyarədə  kiçik zədələnmənin müşahidə olunduğunu bildirib. Əlavə edilib ki, işçilər uçuş-enmə zolağında hər hansı bir dağıntı olub-olmadığını diqqətlə araşdırdıqdan sonra xidmət tez bir zamanda normal şəkildə bərpa olunub. Yük maşını sürücüsü yüngül xəsarətlərlə xəstəxanaya aparılıb, lakin tezliklə evə buraxılıb.

Bir neçə aviasiya veb saytına görə, təyyarə 2002-ci ilin may ayında istifadəyə verilib.

Aydın