Superliqada yeni legioner limiti tətbiq olunacaq

Türkiyə Futbol Federasiyası Superliqa üçün yeni legioner limitini rəsmən təsdiqləyib.

Bakıvaxtı.az xəbər verir ki, 2026/2027 mövsümündən etibarən çempionatda "10+4" qaydası tətbiq olunacaq. Yeni reqlamentə əsasən, klublar iştirak ərizəsinə maksimum 14 legioner daxil edə biləcək. 

Onlardan 10-u üçün yaş məhdudiyyəti tətbiq olunmayacaq. Digər 4 futbolçunun təvəllüdü isə 2003-cü il və daha sonrakı tarixlərə uyğun olmalıdır.

Bundan başqa, komandaların iştirak ərizəsi isə maksimum 28 futbolçudan ibarət ola bilər. Onlardan ən azı 14-nü Türkiyə millisində oynamaq hüququna malik yerli oyunçular təşkil etməlidir. Həmçinin 14 yerli oyunçudan ən azı 4-ü 2003-cü il və ya daha gənc təvəllüdlü olmalıdır. Eyni zamanda ərizədə ən azı ikisi Türkiyə millisində oynamaq hüququ olan 3 qapıçının adı yer ala bilər.