Yaxın Şərqdə sabitliyin təmin edilməsi üçün ortaq maraq var

Təkcə biz yox, bütün dünya Yaxın Şərqdəki müharibədən əziyyət çəkir.

Bakıvaxtı.az xəbər verir ki, bunu Misirin xarici işlər naziri Bədr Abdelati Antalya Diplomatiya Forumunda jurnalistlərə deyib.

XİN rəhbəri bildirib ki, müharibə qlobal ərzaq və enerji təhlükəsizliklərinə təsir edir.

Onun sözlərinə görə, müharibə enerji qiymətlərinin artmasına, təchizat zəncirindəki fasilələrə və digər bir sıra problemlərə yol açıb ki, bunun nəticəsində həm region, həm də bütün dünya bundan əziyyət çəkir:

“Buna görə də biz gərgin şəkildə deeskalasiyaya doğru irəliləmək və diplomatiyaya qapı açmaq üçün çalışırıq. Məhz buna görə də biz səylərimizi davam etdirməli və “qazan-qazan” yanaşması əsasında bu məqsədə çatmaq üçün təzyiqimizi artırmalıyıq. Şübhəsiz ki, koordinasiya davam edir. Gərginliyin azaldılması, həmçinin bölgədə təhlükəsizlik və sabitliyin təmin edilməsi üçün ortaq maraq var”.

Nazir əlavə edib ki, əgər sülh əldə olunmazsa, daha faciəli vəziyyət hökm sürə bilər.