Bakı 
Rişad əl-Əliminin rəhbərlik etdiyi Yəmən Prezident Şurası husilərə qarşı ümumi səfərbərliyin başladığını elan edib.
Bakıvaxtı.az xəbər verir ki, “Anadolu” agentliyinin məlumatına görə, Əl-Əlimi vətəndaşları husilərin nəzarətində olan ərazilərə nəzarəti bərpa etmək məqsədilə ordu və təhlükəsizlik qüvvələrinin sıralarına qoşulmağa çağırıb.
Yəmən Prezident Şurasının rəhbəri həm ölkə daxilində, həm də ölkə hüdudlarından kənarda münaqişənin yeni eskalasiyasına görə husiləri məsuliyyət daşımaqda ittiham edib.
Bununla yanaşı, Rişad əl-Əlimi silahlarını könüllü şəkildə yerə qoyan və ya husilərlə əməkdaşlığı dayandıran hərəkat üzvlərinə amnistiya elan edib.
Məlumata görə, amnistiya sentyabrın 26-dan qüvvəyə minəcək və Yəmən Konstitusiyası və qanunvericiliyinin tələblərinə ciddi şəkildə riayət olunmaqla həyata keçiriləcək. Əl-Əliminin qərarı husilərin sıralarından ayrılmaq istəyən şəxslərə ölkənin qanunları çərçivəsində geri qayıtmaq imkanı yaratmaq məqsədi daşıyır.
