Bakı 
Səudiyyə Ərəbistanının cənubunda yerləşən Nəcran şəhərinin yaşayış məhəlləsinə Yəmən husiləri tərəfindən atılan mərminin düşməsi nəticəsində altı nəfər xəsarət alıb.
Bakıvaxtı.az Səudiyyə Mətbuat Agentliyinə istinadən xəbər verir ki, bu barədə ölkənin Mülki Müdafiə İdarəsi məlumat yayıb.
Qurumun bəyanatında bildirilib ki, husilərin atdığı mərminin yaşayış məhəlləsinə düşməsi nəticəsində altı nəfər xəsarət alıb, üç evə və üç avtomobilə maddi ziyan dəyib.
Yəməndə 2014-cü ilin avqustundan husilərlə Səudiyyə Ərəbistanının dəstəklədiyi hökumət qüvvələri arasında silahlı qarşıdurma davam edir.
2026-cı ilin iyulunda üsyançılar krallığa qarşı dəniz blokadası tətbiq etdiklərini elan etdikdən sonra Səudiyyə Ərəbistanına məxsus bir neçə neft tankerinə hücum ediblər. Avqustun əvvəlində "Ənsar Allah" hərəkatı Yəmənin cənub-qərbində hücuma başlayıb. Sentyabrın 10-11-də isə Moha liman şəhərinə və Bab əl-Məndəb boğazı yaxınlığındakı ərazilərə nəzarəti ələ keçirib.
Oktyabrın 4-də Yəmən hökumət qüvvələri üsyançıların nəzarətində olan əraziləri geri qaytarmaq məqsədilə genişmiqyaslı hərbi əməliyyata başladıqlarını elan ediblər.
