Bakı 
Qazaxıstanın Qızılorda şəhərində neft emalı zavodunda yanğın baş verib.
Bakıvaxtı.az xəbər verir ki, bu barədə Qızılorda vilayətinin Fövqəladə Hallar Departamenti məlumat yayıb.
Yanğının hər birinin tutumu 60 ton olan iki rezervuarı əhatə etdiyi bildirilir. Yanğınsöndürənlər hadisə yerinə çatarkən alovun yaxınlıqdakı daha üç rezervuara keçməsi təhlükəsi yaranıb.
Yanğınsöndürənlərin operativ müdaxiləsi nəticəsində alovun yayılmasının qarşısı alınıb və üç rezervuar yanğından mühafizə olunub. Yanğının söndürülməsinə yanğınsöndürmə qatarı da cəlb edilib.
Məlumata görə, yanğın 200 kvadratmetr ərazini əhatə edib və tam söndürülüb.
Hadisənin başvermə səbəbi araşdırılır.
