Paşinyan Xamenei və Pezeşkianı təbrik etdi

Ermənistanın Baş naziri Nikol Paşinyan İranın ali rəhbəri Müctəba Xamenei və İran Prezidenti Məsud Pezeşianı Novruz bayramı münasibətilə təbrik edib.

Bakıvaxtı.az xəbər verir ki, Paşinyan təbrik məktubunda “iki dost ölkə arasındakı münasibətlərin səmimiyyət, etimad və qarşılıqlı hörmət əsasında inkişaf etməyə davam edəcəyinə” əminliyini ifadə edib.

Paşinyan həmçinin İrana sülh və firavanlıq arzulayıb və yenilənməni və yazın başlanğıcını simvolizə edən Novruzun sabitlik və rifah üçün ümid gətirdiyini vurğulayıb.

Baş nazir həmçinin Ermənistanın kürd icmasını bayram münasibətilə təbrik edib.