Bakı 
Əməkdar artist Mətanət İsgəndərlinin bacısı qızı L.İ-ni intim görüntülərlə şantaj edərək 1000 manat pul tələb edən şəxs həbs edilib.
Bakıvaxtı.az-ın "qafqazinfo.az”a istinadla verdiy məlumata görə, bir müddət öncə Ağcabədi rayon sakini, 26 yaşlı Səfər Səfərov L.İ.-dən tələb etdiyi məbləği verməyəcəyi təqdirdə görüntülərini instaqramda paylaşmaqla təhdid edib.
Araşdırmalar zamanı məlum olub ki, intim görüntüləri Mətanət İsgəndərlinin bacısı S.İ-nin qeyri-rəsmi nikahda yaşadığı şəxs bir neçə il əvvəl evə quraşdırdığı gizli kamera vasitəsilə lentə alıb. Daha sonra həmin şəxsin M.İsgəndərlinin bacısı ilə münasibətləri pozulduğundan o, görüntüləri bir neçə şəxsə ötürüb. Həmin şəxslərdən biri də Səfər Səfərov olub. O, əlinə keçən videodan foto skrin edərək üzərinə Mətanət İsgəndərli ilə bacısının səs yazısını montaj edib və instaqramda paylaşıb.
Qızın şikayətindən sonra həmin şəxs barəsində Cinayət Məcəlləsinin 182.1-ci (hədə-qorxu ilə tələb etmə) maddəsi ilə cinayət işi başlanılıb. İşə Xəzər rayon Məhkəməsində baxılıb. Məhkəmənin hökmü ilə S.Səfərov 3 il müddətinə azadlıqdan məhrum edilib.
