Bakı 
İran Prezidenti Məsud Pezeşkiyan və Əbu-Dabi vəliəhdi Xalid bin Məhəmməd bin Zayed Əl Nəhyan Hindistanın paytaxtı Yeni Dehlidə keçirilən BRICS sammiti çərçivəsində görüşüblər.
Bakıvaxtı.az xəbər verir ki, BƏƏ-nin WAM xəbər agentliyinin məlumatına görə, görüş zamanı tərəflər qarşılıqlı maraq doğuran bir sıra regional və beynəlxalq məsələləri müzakirə ediblər.
Tərəflər regionda gərginliyin azaldılmasının və sabitliyin bərpasının vacibliyini vurğulayıblar. Həmçinin sülh və inkişaf üçün imkanların genişləndirilməsinə yönəlmiş səylərin dəstəklənməsinin əhəmiyyəti qeyd olunub.
BRICS sammiti sentyabrın 12-13-də Yeni Dehlidə keçirilir. Tədbirdə Rusiya Prezidenti Vladimir Putinlə yanaşı, təşkilata üzv dövlətlərin nümayəndələri, tərəfdaş ölkələrin heyətləri və BMT də daxil olmaqla bir sıra beynəlxalq təşkilatların rəhbərləri iştirak edir.
Hazırda BRICS-in üzvləri Braziliya, Rusiya, Hindistan, Çin, Cənubi Afrika, Misir, İndoneziya, İran, BƏƏ və Efiopiyadır.
