Bakı 
Ucarda qəzada həyatlarını itirən hər iki şəxs "Ford"dakı şəxslər olub.
Bakıvaxtı.az xəbər verir ki, ölənlərdən birinin kimliyi məlum olub. O, 1980-cı il təvəllüdlü Mirzəyev Elnur Elman oğludur. Mərhum məcburi köçkün kimi Mingəçevirdə qeydiyyatda olsa da, Gəncədə Qaz istismarı idarəsində çalışıb və orada yaşayıb.
Digər mərhumun isə kimliyi dəqiqləşdirilir.
Deyilənə görə, hər iki şəxs Ağdam rayon sakinləridir, lakin Mingəçevirdə yaşayırlar.
22:06
Ucarda ölümlə nəticələnən yol-nəqliyyat hadisəsi baş verib.
Bakıvaxtı.az xəbər verir ki, hadisə Bakı-Qazax magistralının rayonun Ramal kəndindən keçən hissəsində qeydə alınıb.
Belə ki, “KamAZ” markalı yük maşını ilə “Ford” markalı yük maşını toqquşub.
İlkin məlumata görə, qəza zamanı iki nəfər hadisə yerində həyatını itirib.
Fövqəladə Hallar Nazirliyinin əməkdaşları tərəfindən meyitlər avtomobillərdən çıxarılaraq aidiyyəti üzrə təhvil verilib.
Faktla bağlı araşdırma aparılır.
