Bakı 
Bu gecə yağan leysan yağışlardan sonra Dağıstanı yenidən sel gəlib olub, Mahaçqalada küçələri su basıb.
Bakıvaxtı.az xəbər verir ki, yağış suları üçün nəzərdə tutulan drenaj sistemi işinin öhdəsindən gələ bilməyib, su evlərə və yollara dolub.
Kanalizasiya xətləri, həyətlər və avtomobil yolları su altında qalıb. Uşaq bağçasının bir hissəsini su yuyub aparıb.
Qeyd edək ki, daşqınlar 28 martdan bəri davam edir. Həmin vaxt 60 min insan işıqsız qalıb, 14 rayon elektrik enerjisindən məhrum olmuşdu. İnsanlar qayıqlarla təxliyə edilirdi. /Apa
