Bakı 
Bu gün Dövlət Suverenliyi Günüdür. Azərbaycan Prezidenti, Müzəffər Ali Baş Komandan İlham Əliyevin Sərəncamı ilə hər il sentyabrın 20-də Dövlət Suverenliyi Günü qeyd edilir. Bu tarixi gün regionda yeni düzənin formalaşmasının başlanğıcı idi".
Bakıvaxtı.az xəbər verir ki, bu barədə iqtisadçı müllət vəkili Vüqar Bayramov bildirib.
O qeyd edib ki, Qarabağı işğaldan azad edən gənclər Ulu Öndər Heydər Əliyev məktəbinin, cənab Prezident İlham Əliyev idarəçiliyinin yetirmələridir: "Ərazi bütövlüyü və suverenliyimizin banisi Ümummilli Liderimiz, onu reallaşdıran isə Müzəffər Ali Baş Komandanımızın rəhbərliyi ilə şanlı ordumuz oldu.
Azərbaycan MDB-də münaqişələrə məruz qalan ölkələri arasında ərazi bütövlüyünü və suverenliyini tam bərpa edən ilk dövlətdir. Yeni dünya düzəninin formalaşması mərhələsində regionda müşahidə edilən siyasi çağrışlara rəğmən Prezident İlham Əliyevin rəhbərliyi ilə həyata keçirilən çox vektorlu siyasət Azərbaycanın geosiyasi mövqeyini daha da gücləndirməklə yanaşı, ölkəmizi regional “orta güc” dövlətinə çevirib. 2003-cü ildən sonra, İlham Əliyevin prezidentliyi dövründə Azərbaycan iqtisadiyyatı 4 dəfədən çox böyüyüb. Azərbaycan üçün kifayət qədər vacib olan strateji valyuta ehtiyatları isə son 23 ildə 45 dəfədən çox artaraq 2 milyard dollardan 91 milyard dollara çatıb".
V.Bayramov onu da əlavə edib ki, yeni dövrün yeni hədəfləri kontekstində Azərbaycan iqtisadiyyatında islahatların dərinləşməsi, o cümlədən rəqabətin gücləndirilməsi, investisiya mühitinin daha da yaxşılaşdırılması, gizli iqtisadiyyatın aradan qaldırılması kimi strateji tədbirləri müşahidə edəcəyik.
