Bakı 
Türkiyənin Bursa vilayətinin Orhaneli rayonunda keçirilən toy mərasimində təqdim olunan yeməkdən sonra təxminən 400 nəfər zəhərlənmə əlamətləri ilə xəstəxanaya müraciət edib.
Bakıvaxtı.az Türkiyə KİV-ə istinadən xəbər verir ki, hadisə Karıncalı məhəlləsində baş verib.
Mərasimdə təxminən 500 nəfərə toyuq və düyüdən hazırlanmış yemək təqdim olunub. Yeməkdən sonra bəzi iştirakçılarda ürəkbulanma və qusma kimi əlamətlər müşahidə edilib.
Bursa İl Səhiyyə İdarəsinin məlumatına görə, hadisə ilə əlaqədar vəziyyəti ağır olan xəstə yoxdur.
Hadisə ilə bağlı araşdırma aparılır. Zəhərlənməyə məhz hansı qidanın səbəb olduğu isə laborator müayinələrdən sonra müəyyənləşdiriləcək.
Murad İsmayıl
