Bakı 
Abşeron rayonunda fərdi yaşayış evində yanğın hadisəsi qeydə alınıb.
Bakıvaxtı.az xəbər verir ki, yanğın Novxanı qəsəbəsində yerləşən fərdi evlərin birində baş verib.
Hadisə ilə əlaqədar Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürənləri və xüsusi texnikaları əraziyə cəlb olunub. Hazırda alovun qarşısının alınması və tam söndürülməsi istiqamətində işlər aparılır.
Polis əməkdaşları tərəfindən ərazidə təhlükəsizlik tədbirləri təmin edilib. Faktla bağlı araşdırma aparılır, yanğının başvermə səbəbi dəqiqləşdirilir.
