“Livan seçmədiyi müharibəyə cəlb olunur”

“Livan seçmədiyi müharibəyə cəlb olunur”.

Bakıvaxtı.az xəbər verir ki,  bu barədə Livanın xarici işlər naziri Yusif Raci “X” sosial media platformasında bildirib.

O, Beyrutun müharibə və sülhlə bağlı qərarlar üzərində nəzarəti bərpa etmək, həmçinin bütün Livan üzərində dövlət suverenliyini qurmaq niyyətində olduğunu vurğulayıb.

Raci öz yazısında avstraliyalı həmkarı Penni Vonqla söhbətini xatırladıb. Avstraliyanın xarici işlər naziri bütün Livanda dövlət nəzarətinin genişləndirilməsinə yönəlmiş addımları dəstəklədiyini bildirib və ölkəyə lazımi humanitar yardım göstərməyə hazır olduğunu qeyd edib.

Livanın xarici işlər naziri həmçinin ümidvar olduğunu bildirib ki, hazırkı danışıqlar İsrail qoşunlarının tezliklə çıxarılmasını təmin edəcək.