Bakı 
Füzulidə düşmənin atıb qaçdığı silah-sursat aşkar edilib.
Bu barədə Bakıvaxtı.az-a Daxili İşlər Nazirliyinin mətbuat xidmətinin Bərdə regional qrupundan məlumat verilib.
Bildirilib ki, Füzuli Rayon Polis Şöbəsinin əməkdaşları tərəfindən keçirilmiş növbəti belə tədbir zamanı erməni hərbi birləşmələrinin ataraq qaçdığı 20 ədəd “SPİKE” markalı tank əleyhinə idarəolunan raket kompleksi, iki ədəd “SPQ-9” markalı tank əleyhinə raket kompleksi, 11 ədəd müxtəlif markalı piyada əleyhinə raket kompleksi, iki ədəd qumbaraatan, 78 ədəd qumbaraatan mərmisi, altı ədəd avtomat sandığı və 330 ədəd pulemyot gülləsi aşkar edilərək aidiyyəti üzrə təhvil verilib.
