“Apple” “iPhone”lara təcili bildirişlər göndərir

“Apple” şirkəti köhnəlmiş “iOS” və “iPadOS” əməliyyat sistemi versiyaları olan “iPhone” sahiblərinə cari kiberhücumlar haqqında təcili bildirişlər göndərməyə başlayıb. 

Bakıvaxtı.az xəbər verir ki, bu barədə “MacRumors” nəşri məlumat yayıb. 

Bildirilir ki, ismarışlar kilid ekranında “Critical Software” xəbərdarlığı kimi göstərilir və istifadəçiləri cihazlarının həssaslığı barədə məlumatlandırır. 

Bildirişlərdə qeyd olunur ki, şirkət əməliyyat sisteminin köhnə versiyalarını hədəf alan hücumlar aşkar edib. Bununla əlaqədar olaraq, təcili olaraq yeniləmənin quraşdırılmasını tövsiyə edilir. Belə xəbərdarlıqları artıq “iOS 17.0” daxil olmaqla, “iOS” əməliyyat sisteminin müxtəlif versiyaları olan cihaz istifadəçiləri alıblar.

“Apple” şirkətinin məlumatına görə, qorunmayan cihazlardan zərərli linklərə keçid və saytlara daxil olma halında istifadəçi məlumatlarının oğurlanması mümkündür.