Bakı 
Ötən gün Gəncə şəhərindəki binanın 9-cu mərtəbəsindən yıxılan 13 yaşlı X.Fərəzəliyevanın səhhəti stabildir.
Bakıvaxtı.az xəbər verir ki, bu barədə Teleqraf-a Mərkəzi Klinikadan bildiriblər.
"Xəstə əməliyyat edilib, ümumi vəziyyəti stabildir. Yaralının bədənində sınıqları çoxdur, bunlar sonrakı mərhələdə müalicə olunacaq. Qanaxma dayandırılıb, xəstənin huşu özündədir. Əsas problem qarın boşluğundadır. Beyni ciddi zədə almayıb", - xəstəxanadan qeyd edilib.
***
00:02
Gəncədə yeniyetmə qız 9-cu mərtəbədən yıxılıb.
Bakıvaxtı.az qafqazinfo-ya istinadən xəbər verir ki, 2013-cü il təvəllüdlü X. Fərəzəliyeva binadan yıxılaraq ağır xəsarət alıb.
O, Gəncədəki özəl xəstəxanalardan birinə yerləşdirilib.
İlkin məlumata görə, hadisə ehtiyatsızlıqdan baş verib.
