• Bakı 12° C

    4.34 m/s

  • USD - 1.7

    EUR - 1.8666

    RUB - 2.0737

Kiyevə GECƏ HÜCUMU: Paytaxt PUA-larla vuruldu

DÜNYA

30 May 2023 | 09:46

Kiyevə GECƏ HÜCUMU: Paytaxt PUA-larla vuruldu

Mayın 30-na keçən gecə Rusiya ordusu İranın Şahed-136/131 hücum pilotsuz təyyarələri ilə yenidən Ukraynaya hücum edib.

Bakıvaxtı.az UNİAN-a istinadla xəbər verir ki, bu barədə Ukrayna Müdafiə Nazirliyindən bildirilib.

Məlumata görə, Silahlı Qüvvələrinin Hərbi Hava Qüvvələri 31 PUA-dan 29-nu məhv edib.

"Hərbi Hava Qüvvələrinin qüvvə və vasitələri Ukrayna Müdafiə Qüvvələrinin digər komponentlərinin hava hücumundan müdafiəsi ilə birgə 29 zərbə PUA-nı məhv edib. Demək olar ki, bütün pilotsuz təyyarələr paytaxtın kənarında və Kiyev səmasında vurulub", - nazirliyin açıqlamasında deyilir.

Baş verənlərlə bağlı Ukraynanın bəzi vilayətlərində hava xəbərdarlığı elan edilib.

Məlumata görə, PUA hücumu nəticəsində Kiyevin müxtəlif yerlərində insan tələfatı və dağıntılar var. Qoloseyevskidə - evdə yanğın olub, bir nəfər ölüb, üç nəfər yaralanıb.

Peçerski rayonunda dağıntılar avtomobillərə ziyan vurub. Darnitski rayonunda fərdi yaşayış evi yanıb, avtomobillərə ziyan dəyib.

Podolski rayonunda dağıntılar qeyri-yaşayış binalarına, Svyatoşinskidə isə müəssisələrdən birinin ərazisinə düşüb. Bütün yerlərdə təcili yardım xidməti var.

Murad Məmmədli


Batıgöz reklamMedia İnkişaf

SON XƏBƏRLƏR

20 Noyabr 2026