Bakı 
Sumqayıt şəhəri, Yeni yaşayış massivi ərazisində ümumi sahəsi 240 m² (hər mərtəbəsi 120 m²) olan ikimərtəbəli evin birinci mərtəbəsində mətbəxin yanar konstruksiyaları və ev əşyaları 30 m² sahədə yanıb.
Fövqəladə Hallar Nazirliyindən Bakıvaxtı.az-a verilən məlumata görə, yüksək temperaturdan ikinci mərtəbədə 1 otağın pəncərə çərçivəsi qarsalanıb. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Həmçinin, Salyan rayonunun Gəncəli kəndində ümumi sahəsi 120 m² (hər mərtəbəsi 60 m²) olan taxta konstruksiyadan ibarət ikimərtəbəli ev və içərisindəki əşyalar yanıb. Yaxınlıqdakı tikililər yanğından mühafizə olunub.
Yanğın yanğından mühafizə bölmələri tərəfindən söndürülüb.
