Bakı 
Yer kürəsində payızın ilk G1 səviyyəli maqnit fırtınası başlayıb.
Bakıvaxtı.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyası məlumat yayıb.
Laboratoriyanın məlumatına görə, maqnit fırtınası Moskva vaxtı ilə saat 11:00 radələrində başlayıb və hazırda zəif səviyyədədir.
Bir neçə gün əvvəl Günəşdən ayrılan plazma buludu Yerə çataraq təxminən 24 saat davam edən geomaqnit pozuntularına səbəb olub. Daha sonra maqnit fırtınası həddi keçilib.
Alimlərin proqnozuna görə, geomaqnit aktivliyin tam sabitləşməsi iki günə qədər davam edə bilər. Bu müddətdə daha güclü, G2 və G3 səviyyəli maqnit fırtınalarının baş verməsi ehtimal olunur.
