Orion kosmik gəmisi Aya uçuşunu başa vurub

Artemis II missiyasının bir hissəsi olaraq dörd astronavtı daşıyan Amerika Orion kosmik gəmisi Aya uçuşunu başa vurub və hazırda Yerə qayıdır.

Bakıvaxtı.az "BBC"yə istinadən xəbər verir ki, bununla bağlı NASA açıqlama yayıb.

Açıqlamaya görə, kosmik gəmi ən yaxın yaxınlaşma zamanı Ay səthindən 6550 km məsafədə olub.

Ekipaj təxminən beş saat ərzində Ayın günəş işığı ilə işıqlanan səthini müşahidə edə bilib. Astronavtlar ilk dəfə olaraq onun uzaq tərəfini əvvəlki Amerika Apollo missiyalarından daha yüksək və daha geniş bir baxış nöqtəsindən araşdırıblar.

Astronavtlar Ay səthinə düşən meteoritlərin şahidi olublar.

Uçuş zamanı kraterlərin, yamacların və strukturların ölçüsü, forması və hətta rəngi də daxil olmaqla, bütün obyektlər sənədləşdirilib.

NASA-nın məlumatına görə, heyətində NASA astronavtları Reid Viseman, Viktor Glover və Kristina Koç, eləcə də Kanada Kosmik Agentliyinin (CSA) astronavtı Ceremi Hansen olan Orion kosmik gəmisi aprelin 10-da Sakit Okeanda yerə eniş edəcək.

Gülşən Şərif