Bakı 
Rusiyada məşhurlaşan bloger Hüseyn Həsənov Moskva şəhərindəki mənzilini satıb.
Bakıvaxtı.az xəbər verir ki, bu haqda "Mash" teleqram kanalı məlumat yayıb. Mənzilin 68 milyon rubla (təxminən 1 469 538 manat) satıldığı bildirilib. Tərəflər əmlakı Federal Vergi Xidmətindən gizlətmək və əmlakın müsadirəsindən yayınmaq üçün uydurma sxem həyata keçiriblər.
İttiham tərəfinin şahidi məhkəmədə sövdələşmə barədə ifadə verib. Kişinin sözlərinə görə, sxemi Həsənov özü təklif edib. O, dövlətə heç bir borcu olmadığını və əmlakın istintaqda heç bir sual doğurmayacağını iddia edib. Sənədlərdə 68 milyon rubl qiymət göstərilib, lakin alıcı peçenye ilə ödəyib - seyfə nağd pul əvəzinə məhz peçenye qoyulub. Beləliklə, milyon izləyicisi olan bloqçu əmlakı vergi orqanlarından gizlədib və müsadirədən yayınıb.
Həsənov fərdi sahibkar kimi 170 milyon rubldan çox vergi ödəməyib, sonra pulları maliyyə sxemləri və 68 milyon rubldan çox dəyərində daşınmaz əmlakın satışı vasitəsilə yuyub. Bloqçu günahını inkar edir. O, hazırda borcunu və cərimələrini tam ödəməsinə baxmayaraq, qiyabi həbs edilib və beynəlxalq axtarışa verilib.
Xatırladaq ki, noyabrda çirkli pulların yuyulmasında ittiham olunan Hüseyn Həsənov Rusiyada federal axtarış siyahısına salınıb. Moskvanın Çertanovski Rayon Məhkəməsi bloggerin qiyabi həbsinə qərar verib.
