"Gürcüstanla delimitasiya barədə razılıq əldə etmişik" – Paşinyan

"Ermənistan və Gürcüstan dövlət sərhədinin delimitasiyasının başa çatdırılması barədə razılıq əldə ediblər".

Bakıvaxtı.az xəbər verir ki, bu barədə Ermənistanın Baş naziri Nikol Paşinyan Milli Təhlükəsizlik Xidmətinin Sərhəd Mühafizəsi Qoşunlarının yaradılmasının ildönümünə həsr olunmuş tədbirdə çıxışı zamanı bildirib.

Onun sözlərinə görə, Gürcüstanla sərhədin delimitasiyası məsələsi gündəliyə daxil edilib və Gürcüstan tərəfi ilə artıq müvafiq razılaşmalar əldə olunub.

Paşinyan qeyd edib ki, Azərbaycan və Gürcüstanla sərhədlərin delimitasiyası proseslərinin başa çatması faktiki olaraq Ermənistanın dövlət sərhədlərinin rəsmiləşdirilməsini yekunlaşdırmağa imkan verəcək.