Bakı 
Dünyanın ən böyük əyləncə və media şirkəti olan Amerikanın "Walt Disney Co." şirkəti yaxın həftələrdə 1000-ə qədər iş yerini ixtisar etməyi planlaşdırır.
Bakıvaxtı.az "The Wall Street Journal"a istinadən xəbər verir ki, şirkətin birləşmiş marketinq bölməsində əhəmiyyətli dərəcədə ixtisarlar gözlənilir.
Məlumata görə, Disney əməkdaşlığı təkmilləşdirmək və xərcləri optimallaşdırmaq üçün müxtəlif strukturlarını birləşdirir. Yanvar ayında şirkət bir neçə bölməsinin marketinq funksiyalarını birləşdirib və hazırda "Disney+" və "Hulu" yayım xidmətlərinin işçilərini birləşdirmək prosesindədir.
Disney həmçinin böyümə potensialı gördüyü rəqəmsal biznesinə investisiya qoymaq üçün vəsait ayırmağa çalışır.
Gülşən Şərif
