Türkiyədə inflyasiya 30,87%-ə çatdı

2026-cı ilin martında Türkiyədə istehlak qiymətləri aylıq müqayisədə 1,94% artıb.

Bakıvaxtı.az xəbər verir ki, bu barədə Türkiyə Statistika Təşkilatı (TÜİK) məlumat yayıb.

Bildirilib ki, ölkədə illik inflyasiya 30,87% təşkil edib. Ötən ay illik baza inflyasiya 29,68% yüksəlib. Fevralda bu göstərici 29,46 faiz səviyyəsində olub.

Aylıq əsasda ən yüksək artım 4,52 faizlə nəqliyyat sektorunda müşahidə olunub. Hesabat dövründə alkoqollu içkilər və tütün qrupu 4,36%, ərzaq sektoru isə 1,8% artıb.