Bakı 
Xəbər verdiyimiz kimi, bu gün İlham Əliyevin Sərəncamı ilə Orxan Rəcəb oğlu Səttarov Prezidentin mətbuat katibi təyin edilib.
Bakıvaxtı.az xəbər verir ki, Orxan Rəcəb oğlu Səttarov bundan əvvəl Prezident Administrasiyasında müxtəlif vəzifələr tutub.
Belə ki, Orxan Səttarov 2019-cu ildən Prezident Administrasiyasında çalışıb. O, Qeyri-hökumət təşkilatları ilə iş və kommunikasiya şöbəsinin Xarici media ilə iş sektorunun müdiri vəzifəsini tutub.
Prezidentin mətbuat katibi təyin edilənə qədər o, Administrasiyanın Qeyri-hökumət təşkilatları ilə iş və kommunikasiya şöbəsinin müdir müavini vəzifəsini icra edib.
