Bakı 
Türkiyənin Muğla vilayətinin Bodrum rayonunda limandakı yaxtaların birində güclü yanğın baş verib.
Bakıvaxtı.az “Hürriyet”ə istinadən xəbər verir ki, gecə saatlarında hələlik müəyyən edilməmiş səbəbdən başlayan yanğın külək səbəbindən sürətlə yayılıb və yaxınlıqdakı digər 4 motorlu yaxtaya keçib. Nəticədə dəyəri milyonlarla dollar məbləğində olan 5 yaxta yanaraq kül olub.
Əraziyə çoxsaylı yanğınsöndürmə, polis və tibb qrupları göndərilib.
Hazırda yanğının söndürülməsi istiqamətində tədbirlər davam etdirilir.
***
Məlumata görə, yanğın nəticəsində motorlu yaxtalardan yeddisi yanaraq batıb, birinə isə ciddi ziyan dəyib.
