Bakı 
ABŞ Milli Standartlar və Texnologiya İnstitutunun (NIST) fizikləri cazibə qüvvəsinin fundamental sabiti olan “böyük G”ni ölçmək üçün 10 il davam edən təcrübənin nəticələrini açıqlayıblar.
Bakıvaxtı.az xəbər verir ki, fizik Stephan Schlamminger və həmkarları nəticələrin obyektivliyini qorumaq üçün məlumatların bir hissəsini gizli rəqəmlə dəyişib və həmin rəqəmi möhürlənmiş zərfdə saxlayıblar.
Zərf yalnız təcrübənin tamamlanmasından sonra açılıb.
Nəticədə NIST komandası G = 6.67387 × 10⁻¹¹ dəyərini əldə edib. Bu göstərici 2007-ci ildə Fransada aparılmış oxşar təcrübənin nəticəsindən 0,0235 faiz aşağıdır. Fərq gündəlik həyatda əhəmiyyətsiz olsa da, fundamental fizika üçün ciddi uyğunsuzluq sayılır.
Alimlər hesab edirlər ki, səbəb təcrübədə hələ nəzərə alınmayan çox kiçik amil ola bilər. Bununla belə, nəticə 225 ildən çoxdur davam edən “böyük G” sirrini yenidən gündəmə gətirib.
Murad İsmayıl
