Bakı 
Bir zamanların məşhur televiziya layihələrindən olan "Sirli Avrasiya" verilişindən arxiv görüntülər yenidən gündəmə gəlib.
Bakıvaxtı.az xəbər verir ki, sosial şəbəkələrdə yayılan kadrlar izləyicilər arasında böyük maraq doğurub. Görüntülərdə proqramın aparıcısı Vüsalə Əlizadənin təqdimatında yayımlanan buraxılış əks olunub.
Sözügedən verilişin həmin buraxılışında qonaq qismində rəqqasə-müğənni Sevda Sənəliyeva iştirak edib. Onun çıxışı və verilişdəki anları illər sonra belə izləyicilərin diqqətini çəkməyi bacarıb.
Paylaşılan arxiv görüntülər bir çox istifadəçidə nostalji hisslər oyadıb. Şərhlərdə proqramın əvvəlki populyarlığı xatırlanıb, həmçinin həmin dövrün televiziya layihələrinin özünəməxsus ab-havası müzakirə mövzusuna çevrilib.
