Bakı 
Ukrayna nümayəndə heyəti ABŞ ilə ikitərəfli danışıqlarda iştirak etmək məqsədilə Mayami şəhərinə səfər edib.
Bakıvaxtı.az xəbər verir ki, nümayəndə heyətinə ölkə rəhbərliyinin yüksək səviyyəli təmsilçiləri daxildir. Onların sırasında Ukrayna Milli Təhlükəsizlik və Müdafiə Şurasının katibi Rustem Umerov da var.
Bundan əlavə, danışıqlarda Ukrayna Prezident Ofisinin rəhbəri Kirill Budanov, rəhbərin birinci müavini Sergey Kıslitsa və deputat David Araxamiya iştirak edəcək.
ABŞ tərəfdən görüşlərdə prezidentin xüsusi elçisi Stiv Uitkoff və prezidentin kürəkəni Cared Kuşnerin iştirakı gözlənilir.
Tərəflərin məsləhətləşmələr apararaq əməkdaşlığın aktual istiqamətlərini müzakirə edəcəyi bildirilir.
