Rubio İranla bağlı xəbərdarlıq etdi: "Hazır olmalıyıq..."

Vaşinqton İranın müharibəni dayandırmaq məqsədilə ABŞ-nin diplomatik səylərini rədd etməsi ehtimalına hazır olmalıdır.

Bakıvaxtı.az xəbər verir ki, bunu ABŞ dövlət katibi Marko Rubio ABC telekanalının “Good Morning America” proqramına müsahibəsindəbildirib.

“Orada bizimlə əvvəlki İran rəhbərlərinin danışmadığı şəkildə danışan insanlar var. ABŞ İranın verdiyi bəyanatları real addımlarla təsdiqləmək qabiliyyətini yoxlamaq niyyətindədir. Amma eyni zamanda, bu cəhdin uğursuz ola biləcəyinə də hazır olmalıyıq. Biz 47 illik bir rejimlə işləyirik və hələ də onun daxilində diplomatiya və sülhün böyük tərəfdarı olmayan çoxlu insan var. Əgər indi hakimiyyətdə daha rasional gələcək baxışına malik yeni insanlar varsa, bu, həm bizim, həm onların, həm də bütün dünya üçün yaxşı xəbər olardı. Amma biz həm də bunun belə olmaması ehtimalına hazır olmalıyıq”, – deyə Marko Rubio vurğulayıb.