Qusar rayonunda baş verən güclü sel nəticəsində çətin vəziyyətdə qalan ailə üzvləri xilas olunub.
Bakıvaxtı.az-ın xəbərinə görə, rayon Fövqəladə Hallar Komissiyasının sədri Şahid Fərəməzovun Bizim.Media-ya verdiyi məlumata görə, Quxuroba kəndində yaşayış evinə su dolması səbəbindən 9 nəfərlik ailə təxliyə edilib.
Ailənin 6 uşağı, valideynləri və nənəsi təhlükəsiz əraziyə köçürülüb.
Ümumilikdə, intensiv yağıntılar nəticəsində yaranan sel suları rayonun Hil, Yuxarı Tahircal, Suvacal, Kuzun və Çətkün kəndlərinə gedən yollarda ciddi çətinliklər yaradıb, bir neçə körpü yararsız vəziyyətə düşüb.
Hazırda rayon Fövqəladə Hallar Komissiyası tərəfindən fəsadların aradan qaldırılması istiqamətində tədbirlər davam etdirilir.
Bakı 10° C 7.57 m/s
USD - 1.7
EUR - 1.9498
RUB - 2.0266
