“Neftçi” 4 milyonluq futbolçu ilə danışıq aparır

“Neftçi” heyətinə anqolalı futbolçu Afimiko Pululunu qatmaq istəyir.

Bakıvaxtı.az xəbər verir ki, bu barədə Polşa mətbuatı məlumat yayıb. 

Bildirilib ki, “Yagelloniya”da çıxış edən hücumçunun müqaviləsi mövsümün sonunda başa çatacaq. Onun transfer qiyməti 4 milyon avro olsa da, Azərbaycan təmsilçisi azad agent kimi forvardla müqavilə imzalayacaq. 

Qeyd edək ki, “Bazel”in yetirməsi olan Afimiko Pululu 2023-cü ildən “Yagelloniya”nın formasını geyinir.