Bakı 
Rusiya xarici işlər naziri Sergey Lavrov BMT Baş Assambleyası çərçivəsində təşkilatın Baş katibi Antonio Quterreşlə görüşəcək.
Bakıvaxtı.az TASS-a istinadla xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib.
Görüş zamanı Rusiya tərəfi Beynəlxalq İctimai Tribunalın Buçada baş verənlərin saxtalaşdırıldığını ifşa edən xüsusi hesabatını BMT rəhbərliyinə təqdim edəcək.
Diplomat vurğulayıb ki, BMT-nin indiyədək təqdim edə bilmədiyi "mülki qurbanların" ad siyahısını Lavrov şəxsən təşkilata təhvil verəcək:
"Bu siyahıdakı adlar iddia edildiyi kimi dinc günahsız sakinlərə deyil, millətçi və terrorçu taborların döyüşçülərinə aiddir".
Zeynəb Rzayeva
