Artıq 6 aydır ki, Böyük Britaniyada avtomobil istehsalı azalmağa doğru gedir.
Bakıvaxtı.az "The Guardian"a istinadən xəbər verir ki, bu, Britaniya Motor İstehsalçıları və Ticarətçiləri Cəmiyyətinin (SMMT) verdiyi açıqlamada yer alıb.
Açıqlamaya görə, avtomobil istehsalı avqust ayında ötən ilin müvafiq dövrü ilə müqayisədə 8,4 faiz azalaraq 41 271 ədədə çatıb. Elektrikli, plug-in hibrid və hibrid modelləri əhatə edən "EV" istehsalı da sözügedən ayda azalıb və ümumi istehsaldakı payı 37,5%-dən 29,6%-ə düşüb.
Məlumata əsasən, avtomobil istehsalının azalmasının başlıca səbəbi fabriklərin daha yeni modellərə keçməyə hazırlığı ilə bağlıdır. Sənaye qurumu yeni modellərin bazara çıxması ilə uzunmüddətli perspektivdə azalmanın sona çatacağını bildirib.
Gülşən Şərif






jpg-1729863474.webp)









