Bakı 
Səhiyyə Nazirliyi ilə sıx əməkdaşlıq edən Sağlam Radio 93 FM fəaliyyətə başlamasının iki illiyini qeyd edir.
Bakıvaxtı.az-ın xəbərinə görə, iki il ərzində radio dinləyicilərə etibarlı tibbi məlumatların çatdırılması, sağlam həyat tərzinin təbliği və əhalinin tibbi maarifləndirilməsi istiqamətində mühüm fəaliyyət göstərib. Bu müddətdə efirdə yüzlərlə həkim, Səhiyyə Nazirliyinin mütəxəssis-ekspertləri və rəsmi nümayəndələri çıxış edərək vətəndaşları maraqlandıran mövzular ətrafında məlumat verib, onların suallarını cavablandırıblar.
Sağlam Radio 93 FM qısa müddətdə ölkədə səhiyyə sahəsində ixtisaslaşmış aparıcı media platformalarından birinə çevrilərək, tibbi maarifləndirmə və ictimai sağlamlığın təşviqi istiqamətində özünəməxsus yer tutub.
Qeyd edək ki, radio hazırda da dinləyicilərinə aktual səhiyyə xəbərləri, maarifləndirici proqramlar və ekspert rəyləri təqdim etməklə fəaliyyətini uğurla davam etdirir.
