Bakı 
Sabirabadda avtomobil qəzası baş verib.
Bakıvaxtı.az APA-ya istinadən xəbər verir ki, hadisə Hacıqabul - Bəhrəmtəpə magistralının Sabirabad rayonunun Qaratəpə kəndi ərazisindən keçən hissəsində qeydə alınıb.
Saatlı rayonunun Qıraqlı kənd sakini, 1979-cu il təvəllüdlü Hümbətov Aftandil Vəli oğlu idarə etdiyi VAZ-2107 markalı avtomobil yoldan çıxararaq dəmir dirəyə çırpılıb.
Nəticədə sürücü müxtəlif bədən xəsarətləri ilə Şirvan şəhər mərkəzi xəstəxanasına yerləşdirilib.
Faktla bağlı araşdırma aparılır.
