Bakı 
Jurnalist Ruşen Çakır PKK lideri Abdullah Öcalanın İmralıda keçirilən görüşdə səsləndirdiyi iddia edilən fikirləri qələmə alıb.
Bakıvaxtı.az Türkiyə KİV-ə istinadən xəbər verir ki, məlumata görə, Öcalan Suriyada baş verən proseslərin genişmiqyaslı münaqişəyə çevrilə biləcəyi barədə xəbərdarlıq edib.
O, bölgədəki gərginliyin “Qəzza tipli” bir ssenari yarada biləcəyini düşündüyünü bildirib. Açıqlamalarda regional müharibələrin kürdlər və region ölkələri üçün ağır nəticələr doğura biləcəyi qeyd olunub.
Öcalanın sülh prosesinin uğursuzluğa düçar olması halında böyük toqquşmaların yarana biləcəyini dediyi iddia edilib. O, İsrail, İran və ümumi regional güc balansına dair risklərə toxunub.
Keçmiş silahlı qarşıdurmalarla bağlı təəssüf hissi ifadə etdiyi və siyasi həllin vacibliyini vurğuladığı bildirilib. Eyni zamanda, hüquqi və siyasi islahatlar olmadan davamlı sülhün mümkün olmayacağını qeyd etdiyi iddia olunur.
Sonda o uşaq qatili olmadığını deyib.
Əli Hüseynov
