Bakı 
“Neftçi” PFK-nın yetirməsi, kiçik yaşlarından ağ-qara formanı geyinən Murad Məmmədov Kiprin “Pafos” klubuna keçir.
Bakıvaxtı.az xəbər verir ki, bu barədə paytaxt təmsilçisinin mətbuat xidməti məlumat yayıb.
Klub 20 yaşlı futbolçuya xidmətlərinə görə təşəkkür edib, Avropada uğurlar arzulayıb.
Qeyd edək ki, 2024/25 mövsümündən əsas komandanın şərəfini qoruyan Murad Məmmədov bu müddət ərzində 41 oyun keçirib, 4 qol vurub. O, U-21 milli komandasının heyətində 10 matçda meydana çıxıb, 1 qola imza atıb.
